25 იანვარს, ქალაქ ახალციხეში, სამცხე-ჯავახეთის სახელმწიფო უნივერსიტეტის II კორპუსში პროგრამა „მომავლის თაობა“-ში ჩართული პარტნიორი საჯარო სკოლის მოსწავლეებისა და მასწავლებლთა მონაწილეობით ახალგაზრდულ ფორუმი გაიმართა.
ფორუმის მიზანი იყო მოსწავლეთა აქტიური მონაწილეობით ადგილობრივი თემის საჭიროებების გამოვლენა, გადაწყვეტილებების მქონე პირებთან ერთად პრობლემის მოგვარების გზების მოძიება.
რეგიონალური ფორუმი ქართულ და სომხურ ენაზე მიმდინარეობდა და ორი ნაწილისაგან შედგებოდა, პირველ ნაწილში სასკოლო სამოქალაქო კლუბის წევრები 4 ჯგუფად გადანაწილდნენ. ჯგუფებს ფასილიტატორობას პროგრამის ფარგლებში გადამზადებული სამოქალაქო განათლების პედაგოგები უწევდნენ. ჯგუფის ლიდერებმა სპეციალური კონვერტებიდან აირჩიეს აქტუალური სფეროები: ტურიზმი, გარემოს დაცვა, ინტეგრაცია და ჯანსაღი ცხოვრების წესი და დაიწყეს ჯგუფებში პროექტის ჩამოყალიბება.
ფორუმის მეორე ნაწილი მოიცავდა თითოეული ჯგუფიდან არჩეული მოსწავლეების მიერ პროექტების წარდგენას აუდიტორიის წინაშე, დასაც მოწვეულები იყვნენ სამთავრობო და არასამთავრობო სექტორების წარმომადგენლები, როგორც პროექტების პოტენციური მხარდამჭერები. პრეზენტაციების ბოლოს ოთხმა პროექტმა, ეგრეთ წოდებული სტიკერების დახმარებით მხარდამჭერთა ხმები მოიპოვეს, რაც გულისხმობდა თითოეულ წარმომადგენელისაგან თანამშრომლობას.
- ადგილობრივი ა/ო „ტოლერანტი“ დირექტორმა ცირა მესხიშვილმა ინტეგრაციის ჯგუფის წევრები მიიწვია საკუთარ ორგანიზაციაში და სატრენინგო დარბაზის უსასყიდლოდ დაუთმობას დაპირდა.
- ახალციხის მუნიციპალიტეტის საკრებულოს თავმჯდომარემ ვასილ სისვაძემ ოთხივე საპროექტო იდეა მოიწონა, ჩინიშნა არსებული პრობლემები, საკრებულოს სხდომაზე განსახილველად. გარემოს დაცვის თემაზე მომუშავე ჯგუფს კი სოფელში ნაგვის გატანას და სკოლის ტერიტორიებზე სანაგვე ბუნკერების განთავსების საკითხის მოგვარება დაპირდა.
- ჯანსაღი ცხოვრების წესის დამკვიდრებაზე მომუშავე ჯგუფს, ახალქალაქის გამგეობის წარმომადგენელი ამირბეგიან ოგანესი სპორტული ღონისძიებების გასამართვად ახალქალაქის სპორტული დარბაზის უსასყიდლოდ დათმობა შესთავაზა.
- ტურიზმის ჯგუფის წევრებს ა/ო ორგანიზაცია დემოკრატ მესხთა კავშირის წარმომადგენელმა თამარ თუმანიშვილმა სამცხე-ჯავახეთის ტურისტული მარშუტების რუკას დაპირდა, რომელიც თებერვლის თვეში დაიბეჭდება. აღნიშნული რუკებით სამოქალაქო კლუბის წევრები შექმნიან ტურისტულ საინფორმაციო ბუკლეტებს. ახალციხის საკრებულოს წარმომადგენელმა კი აღნიშნა, რომ ისტორიული ღისშესანიშნაობების მისათითებელ ბანერებთან დაკავშირებული პრობლემა ახლო მომავალში მოგვარდება.
- სახალხო დამცველის აპარატის წარმომადგენელი, ახალციხეში, გულო კოხოძე მოსწავლეებს სკოლებში არსებული დაბინძურებული სასკოლო გარემოს და არასათანადო ინფრასტრუქტურის შესახებ, სახალხო დამცველთან უჩა ნანუაშვილთან ოფიციალური წერილის დაწერაში და გაგზავნაში დაეხმარება.
- საზოგადოებრივი განვითარების ახალციხის ცენტრის დირექტორმა ბატონმა ნუგზარ თათეშვილა აღნიშნა, რომ „ახალგაზრდულ ფორუმში ქართული და სომხურენოვანი სექტორის საჯარო სკოლების სამოქალაქო კლუბის წევრების ერთიანი მუშაობა ჯგუფებში, არამარტო მოსწავლეთა განვითარებას უწყობს ხელს, არამედ ეს ინტეგრაციაც არის. “
ფორუმზე შემუშავებული პროექტების განხორციელებისთვის შეიქმნება საინიციატივო ჯგუფები. აგრეთვე მობილიზება გაუკეთდება ქალაქში, სოფელში, თემში, რიონში არსებულ ყველა საჭირო რესურსს და დაიგეგმება პროექტების განხორციელება. Continue reading